Essai de balisage d'un corpus en bambara

Table des matières

Entête CES

Créée par : | Statut actuel : new | Créée le : | Mis à jour le :

Description de fichier

Titre :

Essai de balisage d'un corpus en bambara

Responsabilités :

Mamadou Diakité

Publication :

Distributeur :	Projet AUF-LTT
	UCAD, BP: 5005, Dakar-Fann, Dakar, Sénégal
Publié le :	2004-02-23
Disponibilité :	restricted - extrait à utiliser seulement pour le projet de recherche AUF-LTT

Source :

DAA KA KƆRƐ KƐLƐ Jeli Baba Sisɔkɔ Bamako Imprimeries-Editions du Mali 1977

Description du profil

Langues :
	bambara	bamb	ful

Ɲininka, Daa ɲininka,
Datu jara den ɲininka,
Segu Daa yo, Daa Mɔnzɔn.

Tiɲɛtigiba Dantɛ ni jeli Gurudi tun bɛ nin yɔrɔ in fɔ faama ye Seekɔrɔ.
A nɔkɔnmasalen bɛ kalakaba kan, jɔnkɛ cɛ wɔɔrɔ b’a digi.

Ka ta Segu la ka t’a bila Kurusa banan na,
Daa ni fanga tɛ dancɛ ci.
Ka ta Segu la ka t’a bila Tunbutu missiriba la,
Daa ni fanga tɛ dancɛ ci.
Ka ta Segu la ka t’a bila Tɛngɛrɛla woro tu la,
Daa ni fanga tɛ dancɛ ci.
Ka ta Segu la ka t’a bila sahili kungo la,
Daa ni fanga tɛ dancɛ ci.
Nin bɛɛ lajɛlen tun ye faama ta ye.

Kolon tɛ maa min fɛ,
O tɛ jikɔrɔnin min Segu,
Segu Daa yo Daa Mɔnzɔn

Tiɲɛtigiba Dantɛ ni jeli Gurudi tun bɛ nin yɔrɔ in fɔ faama ye bulonba kɔnɔ.
U bɛ ka bulon cɛmancɛ sen, k’a kɛ dingɛba ye.
Kamalen bɛ don fiɲɛn min kɔnɔ k’i sigi,
O donnen bɛ dingɛba kɔnɔ, fo k’a ni dugukolo kunkɛɲɛ.
A tɛ keleku janko a kɔnɔfɛn ka bɔn.
Ji saba bɛ ɲɔgɔn sɔrɔ a kɔnɔ.
Saɲɔ dama kɛlen dɔlɔji ye,
O b’i yɛrɛ sɔrɔ a ɔnɔ.
Keninge kisɛ dama kɛlen dɔlɔji ye,
O b’i yɛrɛ sɔrɔ a ɔnɔ.
Di nɔɔnɔ dama kɛlen dɔlɔji ye,
O b’i yɛrɛ sɔrɔ a ɔnɔ.
An ko nin minfɛn in ma korokorokunba.